查詢及報名
參加名單
營主的話
大組長感言

瀾組大組長的話 
Helloooooooo fmsssssssss~我係今年大O瀾組嘅大組長阿清呀～歡迎大家加入崇基呢個大家庭呀！

首先，恭喜曬大家終於考完超級超級辛苦嘅公開試，成功入到中大！大家真係辛苦曬啦～～唔知你哋期唔期待你哋嘅大學生活呢～仲記得我個陣啱啱入到大學乜嘢都唔知，又唔熟中大啲地方，所以我都好迷惘，但係好好彩我身邊有一班好好omates同爸媽陪我渡過呢段時間，解答我嘅問題，令我慢慢熟悉呢個陌生嘅環境，正因為我經歷過，所以我都明白大家啱啱踏入陌生嘅環境會覺得好迷惘，會擔心之後嘅大學生活，但係你要記得身邊仲有好多人support你哋㗎，所以要勇敢面對呢啲挑戰！同埋其實大學真係有好多好好玩嘅嘢等住大家去發掘㗎，大家記得要踴躍去玩唔同嘅嘢，試唔同嘅嘢呀！千祈唔好因為覺得驚而唔去發掘中大嘅美好呀！

今年大O我哋準備咗好多活動俾大家，所以大家每日都要盡情咁玩呢啲活動呀！同埋大家要把握呢次大O嘅機會去識一班好firm嘅frd呀！呢班frd之後好可能會陪你渡過呢4年嘅大學生活！Alsoooooo如果係大O度見到我嘅話記得同我hiiiiiiiiii！即使你唔係瀾組嘅都可以同say hi㗎，我好想識你哋！Anyway唔講咁多啦，好好enjoy呢次嘅崇基大O啦～

Ching~

琅組大組長的話
Helloooo 各位fmsssssss!!! 我係琅組大組長方天，歡迎大家入嚟呢個崇基大家庭！
首先，恭喜晒大家打贏dse，或者如果好似我一樣係non-jupas入嚟嘅都恭喜你克服咗你嘅公開試，大家終於捱過咗呢個難關，辛苦晒！
向前望，踏上呢條陌生嘅大學路，大家難免會被各種憂慮同壓力困擾。不過，其實每位喺度幫助大家嘅工作人員都係曾經喺呢條路上行過嘅過路人，每位都有獨一無二嘅故事等住同大家分享——佢哋都曾經喺自己嘅大學生活呢塊畫板上落筆，經歷過你而家嘅忐忑。
正因為佢哋親手繪畫過自己嘅故事，所以絕對有能力、有經驗解決大家對大學生活嘅任何疑慮！  
希望呢個ocamp可以作為大家嘅一個支援點，給予大家靈感同勇氣，準備好去盡情落筆，喺屬於你嘅大學畫板上創作無與倫比嘅U Life故事！

烆組大組長的話
Haloooo各位freshmannnn🤎歡迎大家加入中大 加入我地崇基呢個familyyyy! 我係今年崇基大O烆組大組長Alfra:> 

首先!! 想同大家講聲辛苦晒了>< 相信呢半年大家都一定經歷咗好多好多難關，無論大家係考dse ib定係Alevel，都一定好比心機，中間會挫敗過會辛苦過，不過關關難過關關過，大家今日嚟到呢度代表大家都捱過，準備揭開人生新嘅篇章了，希望崇基大O會係大家一個開心嘅起點！

然後想同大家講嘅係，希望大家好好enjoy呢四日三夜，喺呢四日三夜搵到會friend到成個u life嘅朋友:> 我自己上年都有玩大O，係大O入面遇到好好嘅組爸媽同Omate，平時喺崇基喺hall都會一齊玩，得閒又會吹吓水，真心講句大O真係會識到一班好朋友的！所以希望大家呢四日三夜都會有所收穫玩得開心 有咩事都可以搵返我地呢班組爸媽 我地都會陪你的:p

嚟緊呢幾年希望大家喺崇基都會搵到自己嘅comfort zone，可能係喺hall，可能係喺唔同嘅崇基活動，搵到一班志同道合嘅朋友，為呢幾年嘅ulife留低獨一無二嘅回憶!! 

Alfra