講題：請增加我們的信心    Increase Our Faith!

經課：耶利米哀歌1章1至6節

講員：姚志豪牧師

場合：香港中文大學崇基學院禮拜堂主日崇拜

日期：2025年10月5日

一提起信心，我哋好多時都會因著自己的困境向上主祈求。例如讀書嘅就關於學業、揀科、大學、拍拖；工作嘅就關於升職、轉職、人際關係；家庭就當然係家人嘅相處、同子女嘅關係、同另一伴嘅關係、同親友的關係….住屋、甚至是否移民。因此信心係比較著重個人化，今日嘅經課特別是舊約的經課，提醒我哋信心唔單止只係著眼我哋自己嘅事，有冇睇見上主所創造呢個嘅世界同我地的關係，上主擺我哋係邊個嘅族群，甚至乎邊一個嘅地方，將視野由個人轉行至族群。

耶利米哀歌、同埋詩篇今日所講嘅正正就係呢一個咁樣嘅處境。

哀歌：耶路撒冷被巴比倫蹂躪之後，提到佢點樣從稠密地方變成獨坐(ALONE)喺城門口(現：孤零零地躺在那裡)，並且由過去的大國(有名聲，受尊重，D人爭住前來)成為咗列國中嘅寡婦(被厭棄、甚至被歧視)，由受歡迎變為一個不受歡迎的地方，從前是各省之重后，現在卻淪為一個苦役/奴婢。更加提到佢嘅朋友以詭詐對代佢(現：盟友出賣她)。學者就認為其實就係鄰近身邊唔同嘅國族都離棄咗佢。

哀歌，就是哀悼耶路撒冷在主前586年陷落、焚燬、被擄人民確實係發出呼喊，他們昔日覺得上主嘅愛，現在彷彿再睇唔見上主去愛佢哋，反而喺度問緊上主係咪忘記咗佢哋？

巴比倫對耶路撒冷城呢種嘅對待，其實直白地表達哀歌及詩篇，詩137:1「我們在巴比倫河邊，坐在那裏，追想錫安，就哭了。」果種嘆息、悲傷，充滿痛苦，見到敵人事事亨通，而且更成為自己既主人(現：哀1:5，她的敵人成為主人；他們的權力支配她。因為她作惡多端，)，猶太人成為咗俘虜，其實都冇乜野掩飾地去表達。

詩篇更加提到，佢哋掠奪佢哋嘅嘢，成為咗搶奪者嘅快樂，更要迫被擄者唱歌娛樂佢地。詩篇137篇6節更加提到「我若不記得你，不看你過於我最喜樂的，寧願我的舌頭貼於上膛。」咩意思呢？現代中文譯本表達「我要是不記得你，要是不以耶路撒冷為我最大嘅喜樂，願我嘅舌頭僵硬再也不能唱歌。」

非常的諷刺，敵人要求他們以唱歌去娛樂佢地，成為他們壓迫者的快樂。相反，被擄的人不想再唱歌，以舌頭僵硬嚟代表嗰種嘅苦。大家都係「唱歌」成為咗一個好大的對比，十分諷刺。eg.集中營的琴聲(NOWTV)

因此詩137:7「耶路撒冷攻破的日子，以東人說：「拆毀！拆毀！直拆到根基！」求你(上主)記得。當我地面對苦難或者睇見世界不同地方被壓迫嘅時候，呢個會唔會都係我哋嘅疑問呢？係咪覺得上主視若無賭呢？好想上主記住？

基督徒/活在沒有受戰亂、壓迫的人，有時習慣斬釘截鐵回應被壓迫者一句：「上帝冇放棄」，一句滿有信心的說話，是否太快的回應/太快下結論？有時缺乏對受苦者處境的思考，去感受他們的感受，去代入他們身處環境的煎熬。當我們跳過他們感受的時候，彷彿佢地所經驗的痛苦也需要被美化，甚至乎否定了他們無語問蒼天/AMANI。EG，BEYOND「麻木面對蒼生只懂不說話/祂怎一去不返，他可否會感到，峰煙掩蓋天空與未尺來。」。信徒好想同佢哋講「上帝冇放棄」，但佢哋確實覺得被上帝放棄。我地吾知係咪好驚上主被污名？好驚我吾咁講，上主不會工作？

Eg ,波蘭奧斯威辛二戰集中營。當我參觀空空如也的營地，卻有時房間堆滿孩子的鞋；有房間推滿男士用的行李箱；更有房屋示一塊大大的布(是用女性頭髮來織的)，到今天納粹所作的行為，我也問上主？及後，我買一了本書”VOICES OF MEMORY”波蘭集中營聖餐。偷偷地嘅進行聖餐，卻散發出嗰種無窮嘅力量。

成個行程去到最後我就問嗰個導遊：其實每一次帶隊嘅時候你嘅感受如何呢？佢講其實係好悲傷，而每次嘅情緒都會被牽動。不過佢話，每次講都係好重要。我回應：「係！」，唔單止對波蘭人重要，對全世界都好重要，好感激你哋嘅堅持。

福音書耶穌講芥菜種嘅信心嘅時候，佢講到若信心大，芥菜種的樹大到連根拔起種喺海裏都仲得。芥菜種呢粒微小嘅種子我諗大家都聽過，由一粒小種子去到一棵樹，能夠乘涼、甚至為人遮風擋雨，佢嘅根部抓住嘅地下，抓得幾緊，抓得幾深，需要幾多時間會有今日，十年甚至過百年先能夠做到。雖然啱啱嘅颱風話畀我哋聽有啲樹木，都係會冧嘅(不幸地有些是人為)。樹木不倒呢個天然嘅定理依然是很有說服力的。芥菜種嘅信心，係一點一滴每日嘅累積每日嘅結果。就是呢種持久延續嘅生命力。好似嗰個波蘭導遊一樣，即使係好傷感，即使內心遇到好似風吹雨打嘅經驗，佢仍然要繼續講繼續帶領，讓我於九千里外的香港人，也有機會明白到他們的苦，以至樣呢種嘅生命力能夠承傳落去。見證住戰爭結束，亦叫我們反思，要關注上主所做的世界，讓我們在人與人之間不要發起戰爭(不只國與國，人與人也是)，佔領別人的地盤(如巴比倫一樣)，讓自己不要成為壓迫人的人。芥菜種樹的生長，就如歷史長河，歷史叫人看見不爭的事實：巴比倫、波斯、羅馬、二戰納粹…….最終也要倒台，環看古今，歷史就是如此，上主在看，人要配合，要記下、要提醒(如奧斯威辛)，不要視若無睹。

有時看似冇可能發生嘅事，信仰往往讓我哋睇見另一個嘅不可能。耶穌就係用主人同僕人嘅關係，話緊比我哋聽，當以奴隸社會為主年代，邊有僕人從田間/放羊回來後，主人會叫埋嚟食飯同多謝佢呀，緊係要你服侍埋我啦。但耶穌似乎想講，信仰就係呢種嘅顛覆性，因為耶穌就是那個會為僕人洗腳，會叫佢埋位食飯果一位。只係我哋冇辦法估到，或只選擇世界的慣性？愛隨波逐流，還是背道而行，逆流而上，事實係逆風才能飛。

上主往往要扭轉呢個嘅世界，是要讓我哋一齊參與，歷世歷代每一個人做一D，嗰份嘅堅持，讓呢一個世界慢慢地不經不覺被扭轉咗。剛剛過身嘅動物學家Jane Goodal(珍·古德爾博士)嘅一句說話：Think globally，Act locally，令我想起：雅各書講得岩：信心沒有為也是死的。要相信你所做，正是影響緊世界。

最後好想用，立陶宛的「十字架山」（Hill of Crosses），他們就是從第1個十字架插起，又被蘇維埃政權(前蘇聯)被推倒，再起，到今天估計約有10萬過十字架，當中更有人寫上禱文，去紀念/支持毗鄰的烏克蘭朋友。「十字架山」的紀念碑文上面寫著：感謝立陶宛人民對十字架山的貢獻，這座山向歐洲乃至全世界見證了這片土地人民的信仰。不論是十字架山/奧斯威辛集中營，代表著，人的眼目對世界關懷，人的信心，不只建基所相信，也要建基一點一滴行動。

今天是普世聖餐主日，讓我們從自己目光轉向世界/普世。